Subit dopo le seconde Guere Mondial, i vevi ciatat lavor in Lombardie
int’un paisot de Brianze un toc pui in su di Milan. Pui voltes viers sere dopo
lasat di lavorà i viodevi in tale strade une biele fantate che a rispundeve
volenteir al salut, e qualchi volte i scambiavin une curte conversazion che a
lasave capì che no i displaseve par nuie che cheste comunicazion a fos pui
amichevole, e cusi cul timp a le stat, simpri dentri di une riservatece cence
tante intimitat. Comunque i soi vignut a savie che ta che strade a viveve une
so sour e che je vigneve a ciatale ogni tant. Une sere che a tornave a ciase
sô, mi soi ufiert par menale in biciclette, e ha acetat. Montade sul fier dal
telar i hai dite dula ca ere le so ciase, e mi dis che a ere dopo pasat il
pais. Mentri chi pedalavi, e vile tant visine no pos squindi di no ve sintut
une certe curint di simpatie, ancie se je a ere come serade e no diseve nuie.
Simpri pedalant i pasi il pais, ca’l’ere avonde lunch e i erin rivas du la che
no erin pui ciases. Ancimò un poc in la mi dis di fermami che le so ciase a ere
visine, però jo no viodevi se no la strade deserte e nisune ciase tor a tor.
Un centimetros pui in là i vedevi une rie di pins, no erin pins, ma
cipres, e i u vedevi di lat. Je dismonte de biciclette saludanmi e ringrazianmi
e diriginsi viers chei cipres.
Mentri che si slontanave jo i eri restat come blocat e cun tante curiositat. I
monti in biciclette e cun poure di fa rumor mi vicini planc planc ai cipres, e
a risulte ca bordavin un gran vial e le fantate a ere rivade quasi al final.
Al’ere il vial cal menave tal simiteri!! Cence riprendimi de grande sorprese
ciapi le vie di tornà a ciase ma pal gno ciaf mi vignivin in ment stories che
contavin i nestis vecius: come che di che femine che par cumplì une sfide a je
lade, tra il bati e il ribati di miegegnot, a plantà un fus su une certe tombe
che ai vevin indicat. A e lade, a si è scrufiade su le tombe e ha plantat i
fus, però chest a i ha trapasat la cotule che a è restade clavade in te ciere.
A tornà a alciasi e sintint che alc a le tirave viers le tombe a è restade
secie di un colp, e cusì al’an ciatade tal doman. O che ate di chel giovin ca
là invidat a balà une biele fantate, e cheste, simpri sul bati e il ribati di
miegegnot, a i a dit che doveve la vie, lui i veve regalat une biele rose rose
che lie le veve mitude sul pet. Intrigat pal so portament misterios a la
seguide di lontan e ancie che ha ciapat la vie dal simiteri. Rivat su la
entrade ta chel silenzio tombal al’ha ciatat il biel vistit de fantate cu la so
rose rose piciat sul puarton.
Cun chest penseirs, cu la impresion di vie asistut a alc anormal, un poc
conturbat, soi rivat te pension indulà chi vivevi e nome tal doman si è svelat
il misteri de giovine glutide dal vial dal simiteri. Fevelant cun tun amigo di
chel pais, contagli il sucedut mi dis. “Haa…che fantate a è la fie dal guardian
dal simiteri che a la la ciasa denti di chel recinto.” No si po meraveasi se jo
soi restat tant conturbat di chel fat. No vevi mai savut che tai nestris
simiteris furlans pisighins e guardians a vivesin intune ciase dentri dal
simiteri.
Par concludi il racont di cheste aventure i devi agiungi cun sinceritat
che dome pui tart i mi soi dat cont di sei stat vitime di un lapsus cha a ja
dat ales a le mee imaginazion. I dovevi pensâ e resonâ consono cu la me etat,
giovine però in fin adulte. Pensâ che chei ca son la denti a no podin vigni
four , e chei ca son difour no desiderin entrâ e chest al sarà quan’t che dio
al vorâ. Il gno turbament a le stat dovut si a la imaginazion ma ancie a varies
coincidenzes: nisune ciase, quasi scur di gnot, i cipres e infin il simiteri e
chestes a mi discolpin ancie si hai sintude tal fons un pocie di vergogne par
seimi lasat la cun pendeirs di che fate.
No hay comentarios:
Publicar un comentario